lunes, 3 de mayo de 2010

Txanela proiektua gure Lehen Hezkuntzan

Autorea: Jakintza Ikastola - 2009ko Urriaren 9a

Ikastolen Elkarteak diseinatu eta garatutako Txanela Proiektua abian jarri zenetik, gure ikastola buru-belarri murgildu da proiektu horren lanketan. Proiektu guztiekin gertatzen den bezala, urteak aurrera joan ahala, proiektuaren dohainek eta ahuleziek garbi adierazten dute zeintzuk diren egin beharreko egokitzapenak eta horretan dago gure LHko irakasleria. Alde batetik, mota askotako formazio jasotzen eta, bestetik, ekimen eta proiektu ezberdinekin uztarketa eta egokitzapen prozesuak diseinatzen.

Ekintzailetza, eskola inklusiboa, IKT-ak, bizikidetza...ez dira kontzeptu berriak gure geletan, baina gure ikastolako irakasleak egiten ari diren ahaleginei esker, Txanela proiektua jorratzerakoan, metodologian aldaketak ematen ari dira alderdi horiek guztiak modu kontziente eta eraginkorrean lantzeko. Gainera, Euskal Curriculumak sustatu nahi dituen konpetentziak eta ikuspegi berritzailea txertatzeko egundoko ahalegina egiten ari dira. Beraz, aldaketa ugari gure geletan ematen eta emango direnak epe motzean. Gure etapa honetan zertan ari garen hobeto ulertzeko, azken egun hauetan etapako ikasle eta irakasleek argitaratutako bideo eta argazkiak jartzen dizkizuegu.

BIDEOA: LHkoak LANEKO EGUN ARRUNT BATEAN


No hay comentarios: